Rusiyanın Voronej vilayətində naməlum pilotsuz uçuş aparatının yaşayış binasının üzərinə düşməsi nəticəsində üç nəfər xəsarət alıb.
24INFO.AZ-ın yerli mətbuata istinadən xəbərinə görə, bu barədə vilayətin qubernatoru Aleksadr Qusev məlumat verib. O bildirib ki, hadisəyə aparatın idarəetməni itirməsi səbəb olub.
"İnsident Belinski küçəsində baş verib. Hazırda həmin ərazidə xüsusi xidmət orqanlarının əməkdaşları işləyir. Yaralanan 3 nəfər hadisə yerində ilkin tibbi yardım göstərilərək, evə buraxılıblar. Qeyd etmək istəyirəm ki, bir neçə mənzilə və şirkətlərdən birinin binadakı ofisinə ziyan dəyib. Təhlükəsizlik məqsədilə əraziyə su və qaz təchizatı dayandırıılıb".
Qeyd edək ki, Voronej vilayəti cənubdan Ukrayna ilə həmsərhəddir.