Rəqəmsal İnkişaf və Nəqliyyat Nazirliyinin təşəbbüsü ilə nazirliyə daxil olan qurumların rəhbər şəxslərinin bilik və bacarıqlarının artırılması üçün ADA universitetində 8 aylıq xüsusi təlim proqramı keçirilib.

"Azərpoçt" MMC-dən 24 İNFO-ya verilən məlumata görə, təlimdə qurumun rəhbər şəxsləri də iştirak edib.

Qeyd olunub ki, təimin mövzusu olan “Liderliyin və Bacarıqların Gücləndirilməsi” “Azərpoçt”un dəyərlərindən hesab edilən “İnkişaf”la birbaşa əlaqəlidir.

O cümlədən, qurumun yeni strategiyasına əsasən, insan kapitalını möhkəmləndirmək və davamlı inkişafı təmin etmək əsas prioritetlərdən biridir.

Təlimin sonunda əməkdaşlar sertifikatlarla təltif olunub.

Onu da qeyd edək ki, bu kimi tədbirlərin gələcəkdə də keçirilməsi nəzərdə tutulub.