“Azərişıq” ASC Qərb regionunda yenidənqurma işlərini davam etdirir.

Qurumdan 24 İNFO-ya verilən xəbərə görə, Prezident İlham Əliyevin müvafiq tapşırıqlarına uyğun olaraq regionların elektrik şəbəkələrində yenidənqurma işləri çərçivəsində "Azərişıq" ASC tərəfindən Samux rayonunun Qədili, Seyidlər və Sarıqamış kəndlərində elektrik şəbəkəsi yenidən qurulur.


Bu məqsədlə istismar müddətini başa vurmuş 10 və 0,4 kV-luq elektrik xətləri, dayaqlar və bütün güc mərkəzləri yenilənir. Üç kənddə ümumilikdə 10 KTM quraşdırlıb və abonentlərin bütün sayğacları yenisi ilə əvəzlənib.

Bununla yanaşı, Gədəbəyin ucqar Arısu və Əlinağılar kəndlərində də analoji işlər həyatakeçirilir.

Qurumdan o da bildilib ki, layihə çərçivəsində ötən əsrin 50-60-cı illərində qurulmuş köhnə şəbəkə tam yenilənir. Bundan əlavə, elektrik xətləri izoliyasiyalı naqillərlə əvəzlənir, köhnə dayaqlar, sayğaclar və həmçinin bütün güc mərkəzləri tam yenilənir.

Hədəf adıçəkilən kəndlərdə işləri mümkün qədər tez zamanda yekunlaşdırmaq və bununlada itkilərin qarşısını almaq, həmçinin abonentlərin dayanıqlı, keyfiyyətli elektrik enerjisi ilə təminatını həyata keçirməkdir.

Xatırladaq ki, investisiya layihəsi bütün regionlarda 100-dən çox kəndi əhatə edir.