İyunun 28-də Ermənistan silahlı qüvvələrinin bölmələri ordumuzun mövqelərini atəşə tutub.

Bu barədə 24 İNFO-ya Müdafiə Nazirliyindən məlumat verilib.

Qeyd olunub ki, saat 22:35-dən 23:15-dək İstisu, Basarkeçər rayonunun Yuxarı Şorca, Vedi rayonunun Arazdəyən yaşayış məntəqələri istiqamətlərində yerləşən mövqelərindən Azərbaycan Ordusunun Kəlbəcər rayonunun Zəylik və İstisu, Naxçıvan Muxtar Respublikasının Sədərək rayonunun Heydərabad yaşayış məntəqələri istiqamətlərində yerləşən mövqeləri müxtəlif çaplı atıcı silahlardan atəşə tutulub.

Bundan başqa, iyunun 28-i saat 23:55-dən iyunun 29-u saat 00:50-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Ordumuzun Şuşa rayonu istiqamətində yerləşən mövqeləri də atıcı silahlardan atəşə tutulub.

Məlumatda həmçinin bölmələrimiz tərəfindən cavab tədbirləri görüldüyü qeyd edilib.