Türkiyə prezidenti Rəcəb Tayyib Ərdoğanın sədrliyi ilə bu gün saat 16:00-da Ədalət və İnkişaf Partiyasının (AKP) İdarə Heyətinin iclası keçiriləcək.

Trend-in TurkicWorld-ə istinadən məlumatına görə, iclasda partiyanın növbədənkənar qurultay hazırlıqları və bələdiyyə seçkiləri müzakirə ediləcək.

Məlumata əsasən, 7 oktyabr tarixində Ankarada keçirilməsi planlaşdırılan qurultayın dəqiq tarixi ilə bağlı qərar veriləcək.

Daxili və xarici siyasətlə bağlı digər mövzuların da müzakirə olunacağı iclasla bağlı AKP sözçüsü Ömər Çelikin mətbuata açıqlama verəcəyi gözlənilir.