Türkiyə Prezidenti Rəcəb Tayyib Ərdoğan rusiyalı həmkarı Vladimir Putinlə sentyabr ayında şəxsən görüşəcəyinə ümid etdiyini bildirib."24İNFO" xəbər verir ki, Türkiyə Prezidenti bu barədə Macarıstan səfərindən qayıdarkən jurnalistlərə deyib.
"Sentyabrda Hindistanda "G20" ("Böyük iyirmilik") sammiti və ABŞ-də Birləşmiş Millətlər Təşkilatının (BMT) Baş Assambleyasının iclası keçiriləcək. Bu gərgin qrafikdə imkan tapsaq cənab Putinlə üz-üzə görüşəcəyik", - o deyib.
Qeyd edək ki, Türkiyə və Rusiya liderləri avqustun 2-də baş tutan telefon danışıqlarının nəticələrinə görə görüşmək barədə razılığa gəliblər. Tərəflər görüş zamanı ikitərəfli əlaqələri, Rusiya-Ukrayna müharibəsini və taxıl sazişini müzakirə etməyi planlaşdırırlar.
