Qazax şəhəri, Səlim Əfəndiyev adına 1 nömrəli Tam Orta Məktəbin Ədəbiyyat müəllimi iki şagirdi təhqir edib.
Saytımızda daxil olan məlumata görə, müəllim “6a” sinfində təhsil alan iki şagirdi “tərbiyəsiz” adlandırıb.
O da bildirilir ki, şagirdlərin valideyni məsələni araşdırmaq üçün məktəbə gəlib. Lakin, Rahiyyə adlı həmin müəllim onların valideynini də təhqirlərə məruz qoyub.
Əldə etdiyimiz xəbərdə o da bildirilir ki, müəllim valideynə “Sənin geyimindən də görünür ki, tərbiyən necədir” - sözlərini işlədərək, valideyni sinifdən qovub.
O da qeyd olunur ki, sözü gedən şagirdlər sinfin fəal, yaxşı qiymətlərlə oxuyan şagirdləridir. O da bildirilir ki, şagirdlərin tərbiyəsi ilə bağlı da hər hansı problem mövcud deyil.
Baş vermiş hadisə ilə bağlı tərəflərin mövqeyini də işıqlandırmağa hazırıq.
Qeyd edək ki, məktəbin direktoru Yaşar Əliyevdir.